ဘာဖြစ်နေလို့လဲ.. ဆို..။

ဘာမှမဖြစ်ပါဘူး ဘာမှ မဖြစ်ပါဘူးဆိုပြီး ဗိုက်တောင်ကြီးလာပြီကို... ဒီဘုန်းကြီးကလေ။ ၂၀၀၇ အရေးအခင်းဖြစ်တာ ဘုန်းကြီးတွေကြောင့်မို့ ဒီဘုန်းကြီးတွေကို အမြစ်က ဖြတ်မှဆိုပြီး အရောတွေကို ဘုန်းကြီးကျောင်းတွေ ပို့လိုက်တော့... ကဲ... ကကြခုန်ကြ.. ဖက်ကြ နမ်းကြ.. ပျော်ကြ ပါးကြ.. နှစ်လုံးသုံးလုံး ဖွင့်ကြ.. ဘုရားရှေ့မှာ နှစ်ပါးသွားကြ..။

--------------

တနေ့က ဗီဒီယို အပိုင်းလေး တစ်ခုကြည့်မိပြီး ရေးထားတဲ့ ကျွန်တော့်ရဲ့ Status က စာပါ။ Facebook မှာ တင်တဲ့သူက တင် အောက်မှာ ကွန်မန့်ရေးတဲ့သူက ရေး။ တချို့က သူငယ်ချင်း အချင်းချင်း ပြောင်ကြနောက်ကြ စကြ။ တချို့ကြတော့လည်း အဲဒီကွန်မန့်ထဲမှာကို တစ်ယောက်နဲ့တစ်ယောက် ဆဲကြဆိုကြ သဘောထားကွဲလွဲကြပေါ့။ နောက်တော့ လက်ခံထားတဲ့သူငယ်ချင်းတွေ Block လုပ်ကြ။ အခုလဲ ကျွန်တော်နဲ့ သဘောထားကွဲလွဲတဲ့သူ တစ်ယောက်ကို တွေ့တာနဲ့ ကွန်မန့် ရေးပါတယ်။ ကျွန်တော်ကတော့ သဘောထားကွဲတာကို လက်ခံပါတယ်။ သူ့အမြင်နဲ့ ကိုယ့်အမြင် ဖလှယ်လို့ရတာပေါ့။ ကွန်မန့်က အလုံး ၈၀၀၀ ကျော်နေလို့ ပေးလို့မရတော့ဘူး။ အဲဒါနဲ့ နုတ်ထဲကို ရောက်လာတော့တာပါပဲ။ သူက ကျွန်တော်သူငယ်ချင်းမဟုတ်ပါဘူး။

ဗီဒီယို အပိုင်းက ဘုန်းကြီးတစ်ပါးက စင်မြင့်ပေါ်မှာ မိုက်ခရိုဖုန်းနဲ့ အောက်က ပရိတ်သတ်ကို ကကြဖို့ တိုက်တွန်းပြီး ရာနဲ့ချီရှိတဲ့ ပရိတ်သတ်ဟာ ခန္ဓာကိုယ် လှုပ်ရှားကခုန်ကြပါတယ်။ သူက ဗီဒီယို ကို ကြည့်ပြီး Nothing is wrong ဘာဖြစ်နေလို့လဲ လို့ ဆိုပါတယ်။ ဒါဟာ စိတ်ဓာတ်မြှင့်တင်ရေးသင်တန်းပါတဲ့။ ဘာသာရေးသင်တန်းမဟုတ်ပါဘူးတဲ့။ ဘုန်းကြီးတွေဟာ ဆယ်တန်းကျောင်းသားတွေကို စာသင်တယ်။ အင်္ဂလိပ်စာ သင်္ချာစတာတွေသင်ပေးပါတယ်တဲ့။ အခု ရုပ်သံ အပိုင်းလေးက လည်း ထို့နည်းတူ ပါပဲတဲ့။ အမြင်တွေ ရှင်းရှင်းလင်းလင်းထားကြပါလို့လဲ ပြောထားပါတယ်။

ကျွန်တော့်သူငယ်ချင်းတစ်ယောက်ဖြစ်တဲ့ ကျော်ဇင်က “မဟုတ်သေးဘူးဗျ ၈ပါးသီလမှာ နစ္စ ဂီတ ၀ါဒိတ ၀ိသူက ဒဿန မာလာဂန္ဓ ၀ိလေပန ဓာရဏ မဏ္ဍန ၀ိဘူသနဋ္ဌာနာ ဝေရမဏိ သိက္ခာပဒံ သမာဒိယာမိ ဆိုပြီးပါတယ် ဆိုတာ ကတာနဲ့ပက်သက်ပြီး မြတ်စွာဘုရားက ပညတ်ထားတာ ဒီနေရာမှာဘုန်းကြီးမဟုတ်ပဲ တခြားလူတယောက်ဆိုရင်တော့ ဘာမှပြောစရာမရှိပါဘူး... အခုက ဘုန်းကြီးကလုပ်ခိုင်းတာဆိုတော့ အမြင်မတင့်တယ်ဘူးဗျ ဝင်မကတာတောင် သူကတိုက်တွန်းတဲ့သူ ဖြစ်နေပြီလေ အာပတ်လဲလွတ်မှာမဟုတ်ဘူး” လို့ သူ့အမြင်ကိုပြောထားတယ်။ တိုရှင်းပြီး ထိရောက်ပါတယ်။ ဒါပေမယ့် ကျွန်တော်က လျှာရှည်ပါရစေ။

လူတွေက လူအလုပ်လုပ်ရသလို ဘုန်းကြီးက ဘုန်းကြီးအလုပ်လုပ်ရတယ်ဆိုတာ ဟိုး အရင် ဖဆပလ ဦးအောင်ဆန်းခေတ်ကတည်းက ဦးအောင်ဆန်းက ပြောခဲ့တယ်လို့ ဖတ်မှတ်ဖူးပါတယ်။ တလောက လူဓမ္မကထိကတွေ များသထက်များလာတာကို ဆရာတော်တစ်ပါးက “လူဓမ္မကထိကတွေ များလာတာဟာ ဘုန်းကြီးတွေ ဘုန်းကြီးအလုပ်မလုပ်လို့” ဟု တရားဟောဘူးပါတယ်။ လွတ်လပ်ပြီးခေတ် နောက်ပိုင်းမှာဘုန်းကြီးတွေ ပျက်ဆီးလာပုံကို သိန်းဖေ ဆိုတဲ့စာရေးဆရာတစ်ယောက်က ၀တ္ထုတစ်ပုဒ်ရေးတယ်။ အဲဒီစာအုပ်ထုတ်အပြီးမှာ လူကြိုက်များကြလွန်းလို့ သူ့နာမည်ကို “တက်ဘုန်းကြီး သိန်းဖေ”လို့ ခေါ်တွင်သွားတယ်။ အဲဒီတော့ ကျွန်တောထင်တာက ဘုန်းကြီးက ဘုန်းကြီးအလုပ်ပဲလုပ်သင့်တယ်။

တရားဓမ္မဆိုတာ သိမ်မွေ့နက်နဲသလို ခက်ခဲလှပါတယ်။ အဲဒါကို လူသာမာန်တွေနားလည်အောင် ပုံတိုပတ်စနဲ့ ရှင်းလင်းဟောပြရင် ကျွန်တော်လက်ခံပါတယ်။ အဲဒါကြောင့် ရွှေမန်းတင်မောင်က ဘုရားဇာတ်တော်တွေကို ပြဇာတ်ပြုတော့ ဆရာတော်ကြီးတွေက သာဓုခေါ်ကြသတဲ့။ (ဒါပေမယ့် ရွှေမန်းတင်မောင်ရဲ့ဇာတ်တွေထဲမှာ အချိန်အတိုင်းအတာအရ ချုံ့လိုက်တဲ့ အဖြစ်တွေ အများကြီးပါ)။ ကျွန်တော်တို့လူတွေအများစုဟာ လူပိန်းတွေပါ။ စင်ပေါ်ကလူ လုပ်သမျှကို လက်ခုပ်တီးနေတတ်သူတွေပါ။

စိတ်ဓာတ်မြှင့်တင်ရေးသင်တန်းဆိုပြီး (ကြံခိုင်ရေးနဲ့ ဖွံဖြိုးရေးအဖွဲ့ကြီးက ဖွင့်ပေးတဲ့သင်တန်းလို့ ဆိုကြပါတယ်) မှာ သင်တန်းပြသူကလဲ လူပဲဖြစ်သင့်တယ်။ ဘုန်းကြီးမဖြစ်သင့်ပါဘူး။ ဒါပေမယ့်လည်း သူပြောခဲ့သလို ဘုန်းကြီးတွေက ပညာဒါန အနေနဲ့ ဆယ်တန်းကျောင်းသားတွေကို စာသင်ပေးတာ၊ အင်္ဂလိပ်စာ သင်ပေးတာတွေဟာ ကျွန်တော်တို့ လူတွေက လူ့အလုပ်မလုပ်လို့ ကျွန်တော်ထင်ပါတယ်။ ဒါပေမယ့် အဲဒါတွေက ၀တ်နည်းတွေနဲ့ လွတ်တယ်။ ပညာဒါန ဖြစ်ပါတယ်။ အခုဟာက ရွနည်းကို သင်ပေးသလိုဖြစ်နေပါတယ်။ ရွတာက သင်ပေးစရာမလိုပါဘူး။ သဘာဝအရကို ရွတတ်ပြီးသားပါ။ စာအုပ်စာပေ မင်းသားမင်းသမီး MTVဆိုတာတွေ ကြည့်ပြီး လှုပ်တာ ကတာကို ကလေးငယ်တွေတောင် သိနေ လုပ်တတ်နေကြပါတယ်။ ဘုန်းကြီးက ကကြလို့ ပြောနေစရာမလိုပါဘူး။

ဗုဒ္ဓဂါယာသွားတုန်းက ကုသိနာရုံဆိုတဲ့ ဘုရားပရိဗ္ဗိမာန်ပြုတဲ့နေရာက ဘုန်းကြီးကျောင်းမှာ ဦးပဇင်းတွေက သီချင်းတွေဖွင့်ပြီးဘုရားဖူးတချို့က ကခုန်ကြတယ်။ Waka Waka တောင်ပါသေး ။ ကျောင်းထိုင်ဘုန်းကြီးတော့မရှိပါဘူး။ လက်ထောက်ဘုန်းကြီးပါ။ အဲဒါ သာသနာရေးဝန်ကြီးဌာနက ဦးစီးတဲ့ ဘုရားဖူးအဖွဲ့နဲ့ သာသနာရေးဝန်ကြီးဌာနက လွှတ်ထားတဲ့ ဘုန်းကြီးပါတဲ့။ မြင်တဲ့ နိုင်ငံခြားသားတွေက တအံတသြနဲ့ ဖြစ်နေတယ်။ သူတို့တွေက နေရာမှားနေတယ်လို့ ထင်မယ်။ မနေနိုင်လို့ အရှင်ဘုရားတို့ ဘယ်တော့လောက် ဒီပါတီ ရပ်မှာလဲဘုရားလို့ သွားလျှောက်တော့မှ နှစ်ပုဒ်လောက် ထပ်ဖွင့်ပြီး ရပ်သွားရော..။ ကာလံဒေသံဆိုတာ တောင် နားမလည်တော့တဲ့သူတွေက တော်တော်ဆိုးတယ်။

အပျော်ခရီးထွက်ချင်ရင် ချောင်းသာ ငွေဆောင် စတဲ့နေရာတွေ သွားပေါ့။ အရက်သောက်ချင်ရင် အရက်ဆိုင်သွားပေ့ါ။ ကမြော့ချင်ရင် ကချင်ရင် နိုက်ကလဒ် တွေသွားပေါ့။ ဒါပါပဲ နိုင်ငံခြားသားတွေက ဘုရားဆင်းတုတွေကို နိုက်ကလပ်တွေမှာ အလှထားရင် မြန်မာ ဗုဒ္ဓဘာသာဝင်တွေ ဒေါသထွက်လို့ ၀မ်းနည်းလို့ မဆုံးဘူး။ ဟိုကသူတွေက ကိုးကွယ်တာ မဟုတ်ဘူး။ ဒီကလူတွေကတော့ ကိုးကွယ်တယ် ကိုးကွယ်တယ်ဆိုပြီး ကော့လန်ကော့ကားတွေကို လုပ်နေကြတာက ပိုဝမ်းနည်း ဒေါသဖြစ်ဖို့ သင့်တယ်။ ကျွန်တော်ကရော ဒေါသထွက်လားဆိုတော့ မထွက်ပါဘူး။ အော်.. အမှားနဲ့ အမှန်ကို ခွဲခြားမသိနိုင်တော့တဲ့သူတွေ များလာတယ်ဆိုတာပဲ သတိပြုမိတယ်။

အဲဒီလို ကျောင်းဆရာက ကျောင်းစာကို ကောင်းကောင်းမသင်နိုင်၊ သီချင်းသည်က တေးသံအတွက် စာသားကို လွတ်လွတ်လပ်လပ် မဆိုနိုင်၊ သရုပ်ဆောင်က လည်း ထို့နည်းတူ။ တပ်မတော်သားကလည်း သူ့အလုပ်မလုပ်နိုင် အုပ်ချူပ်ရေးလုပ်ရ ယဉ်ကျေးမှုလုပ်ရ သာသနာရေးထိန်းရ ပညာရေးလုပ်ရ။ ဘုန်းကြီးတွေလဲ အဲလိုပဲ ကိုယ့် တရားဓမ္မရှာတာ ဟောပြောတာလုပ်ဖို့ထက် တကာတကာမ မျက်နှာကြည့်ပြီး နေရတယ်။ ကဲ.. အဲဒါတွေအားလုံးကို Nothing is wrong လို့တော့ သူက ထင်ချင်ထင်ပါ။ ကျွန်တော်တော့ မထင်နိုင်ဘူး ။ ကျွန်တော် ထင်တာက Everything is wrong!

ကျွန်တော်ထက်ပြီ စဉ်းစားကြည့်ပါတယ်။ ဥပမာ ဘုန်းကြီးတွေက ဒီအတိုင်းသာ ဆက်လုပ်သွားမယ်ဆိုရင် (တယောက်ယောက် အလိုကျပေါ့လေ) နောက်ဆို ဘုန်းကြီးဖွင့်တဲ့ အနှိပ်ခန်းတွေတောင် ထွက်လာမလားမသိဘူး။ အနှိပ်ခန်းတွေက ပင်ပန်းနွမ်းနယ်မှုတွေကို လျော့စေလို့လေ။

ဘုရားခေတ်က တတ္ထိတွေရဲ့ အယူအဆတစ်ခုက ကာမဂုဏ်ကို အ၀ခံစားလိုက်ရင် ငြိမ်းချမ်းပါသတဲ့။ ၀က်သားအအီအဆိမ့်ကို အ၀ မုန်းအောင်စားလိုက်ရင် နောက်ရက်မှာ မစားချင်တော့သလိုပဲ ကာမဂုဏ်ကို အဲလိုခံစားရမယ်လို့ ဟောပြောပါတယ်။ အဲဒါကို လူတွေက သဘောကျကျတယ်။ ဟုတ်တော့ဟုတ်သလိုလိုလို့ ထင်နိုင်ပါတယ်။ ဒါပေမယ့် သွေးသားဆန္ဒကုန်သွားလို့ဖြစ်သွားပေမယ့် ပြန်ပြည့်လာတဲ့အချိန်မှာ ပြန်လည် တောင်းတတာပါပဲ။ မချူပ် မပြတ်သွားပါဘူး။ အဲဒီလို အယူအဆမျိုး အိန္ဒိယမှာ ဘုရားပွင့်ပြီး ၁၂ ရာစု ၁၃ ရာစုလောက်မှာ ခေတ်စားခဲ့တယ်။ အဲဒါကြောင့် ကာမဂုဏ်ကို ချူပ်တည်းပြီးဖြတ်ရမယ်လို့ ဟောခဲ့တဲ့ ဂေါတမရဲ့သာဿနာဟာ အဲဒီအချိန်လောက်မှာ တိမ်မြောက်ကွယ်ခဲ့ရတယ်။ ဖျက်ဆီးခံခဲ့ရဖူးပါတယ်။ ရက်ရက်စက်စက် ဖျက်ဆီးခံခဲ့ရသလို ဟိုဘာသာရောထည့် ဒီဘာသာရောထည့်ပြီး ကိုယ့်ဘာသာကပဲ သူ့ဘာသာယူထားသလိုလို အနုနည်းနဲ့ ရောဖျက်လုပ်တာကိုလည်း ခံခဲ့ရပါတယ်။

အဲဒီတော့ လူတွေက ကာမဂုဏ်မှာ မွေ့လျော်တဲ့သဘောရှိတယ်။ ဘုန်းကြီးတွေက သူတို့ရဲ့ အာဏာကျော်ဇောမှု ဒါမှမဟုတ် သူတို့ကို ထောက်ပံ့တဲ့ သူတို့ရဲ့ အောင်မြင်မှု အရှိန်အ၀ါတွေအောက်ကနေ ရုန်းမထွက်နိုင်တော့ဘဲ လူတွေအကြိုက် ကာမဂုဏ် ပျော်ပါးမှုအကြောင်းတွေကို ဟောကြားနေတာဟာ ကျွန်တော် အထင်အမြင်နဲ့ကတော့ တော်တော် အဆင်မပြေတာပါ။ ဒါပေမယ့် ခေတ်က ဒီလိုဆိုရင်တော့လဲ...။

ကျွန်တော် မြန်မာလို ရေးထားတာကို ရှင်းရှင်းလင်းလင်း သဘောပေါက်လိမ့်မယ်လို့ထင်ပါတယ်။ အရာအားလုံးက မှားနေမှတော့ ဒီအရာကိုက မှားနေတာပါလို့ ပြောဖို့ရာ စကားစတွေ အ.. ထစ်နေပါတယ်။ ဒါပေမယ့် လုပ်နိုင်သလောက် အ ထစ် အ ထစ်နဲ့ပဲ ကျွန်တော် ဒီစာကို ရေးပါတယ်။

ကျေးဇူးတင်ပါတယ်။

အဖွားစိန်ကျွေးတဲ့ နေလယ်စာ

ဒီရက်ပိုင်း အားရင် စာရေးဖို့ စိတ်ပါလက်ပါဖြစ်နေတယ်။ အားလပ်ရက်မှာဆို အိမ်အလုပ်လုပ် ဟင်းချက်နဲ့ မအားတဲ့ကြားက ခေါင်းထဲကို စိတ်ထဲကို ရောက်ရောက်လာတဲ့ အကြောင်းအရာတွေက စာရေးချင်အောင် လှုံ့ဆော်ပေးနေတယ်။ မောင်ပွတ်က “ကိုငယ်.. သံလွင်အတွက်လဲ ချန်ထားဦး”လို့ ပြောတော့ ရေးမယ့်အကြောင်းအရာက ကန့်သတ်လိုက်သလိုဖြစ်သွားပြန်တယ်။ စာရေးချင်နေတုန်းမှာ ရန်ကုန်ပြန်တုန်းက ဓာတ်ပုံတွေ ပြန်ကြည့်တော့ အဖွားစိန်အကြောင်း ရေးချင်လာတယ်။ သူ့မြေးရေးတဲ့ “ဖွားစိန်တို့ အိမ်” ကိုတော့ သံလွင်အိပ်မက် အသစ်ထွက်ရင် တွေ့ရပါလိမ့်မယ်။

အဖွားစိန်အကြောင်းရေးမယ်ဆိုတော့ ကျွန်တော်နဲ့ ပတ်သက်တာလေးတွေ သတိရမိတာလေးတွေပဲရေးရတာ။
အဖွားဆိုလို့ ကျွန်တော့်အဖွားတော့မဟုတ်ပါဘူး။ စည်သူတို့ ညီညီတို့ရဲ့အဖွားပါ။ ကျွန်တော်တို့သူငယ်ချင်းမိတ်ဆွေတွေက သူတို့ခေါ်သလို ဖွားစိန်လို့ပဲ လိုက်ခေါ်ပါတယ်။ ကျွန်တော်မှာက အမေရဲ့ အမေ အမေငြိမ်းက ကျွန်တော်မမွေးခင် ကတည်းက ဆုံးသွားတယ်။ နောက်အဖေရဲ့ အမေ အဖွားဒေါ်လှမင်းက ကျွန်တော်ဆယ်တန်းအောင်ပြီးတဲ့အချိန်က ဆုံးသွားပြီဆိုတော့ ဆယ့်သုံးနှစ်လောက်ရှိပါပြီ။ အမေရဲ့မိထွေးဖြစ်တဲ့ အမေတင်လဲ ဆုံးတာ နှစ်နှစ်လောက်ရှိသွားပြီ။ အဖိုးတွေလဲ မရှိတော့ပါဘူး။ အဲဒီတော့ အဖိုးအဖွားဆိုတဲ့ မျိုးဆက်က မရှိတော့ဘူး။

ရန်ကုန်အိမ်ရောက်တော့ လေးလေးတို့အိမ်မှာ နေရတဲ့ အချိန် စည်သူရှိတဲ့ အဖိုးတို့ အဖွားတို့ အိမ်ကို ခဏခဏရောက်တော့ အဖိုးတို့ အဖွားတို့ နဲ့ ရင်းနှီးလာခဲ့တယ်။ ငယ်ငယ်ကတော့ ရန်ကုန်ကို လာလည်ရင် အဖိုးနဲ့အဖွားတို့အိမ်ကို ခဏတဖြုတ်တော့ရောက်လေ့ရှိပေမယ့် ကြာကြာမနေဘူးတော့ မရင်းနှီးခဲ့ဘူး။ အဖိုးဦးလှစိန်ဆုံးတာ ဆယ်နှစ် လောက်ရှိပေမယ့် အဖွားကတော့ မာတုန်း ပါပဲ။ တလောက သူ့သားအကြီးဆုံး ဘကြီးစိုး ဆုံးသွားတယ်။ ကျွန်တောရန်ကုန်ရောက်နေတဲ့အချိန်က တစ်လပြည့် ဆွမ်းကျွေးနဲ့ကြုံလို့ သွားခဲ့သေးတယ်။ ဘဘလေးလို့ခေါ်တဲ့ ညီညီရဲ့ အဖေက တလောက လေဖြတ်ပြီးဆေးရုံတင်ခဲ့ရပေမယ့် အခုတွေ့တဲ့အချိန်မှာ ကိုယ်ရေစစ်သွားပြီး ကျန်းမာရေးကောင်းတဲ့ ပုံပါပဲ။

ကျွန်တော် ရန်ကုန်ရောက်ပြီး နောက်တစ်ရက်မှာပဲ အဖွားစိန်ကို သွားကန်တော့ဖြစ်တယ်။ အဖွားက “ အိမ်မှာ ထမင်း တစ်ရက်လာစား.. ငယ်လေး ဘာစားမလဲ” လို့ ကျွန်တော့်ကို မေးတာနဲ့ ကျွန်တော်က “စားမယ်စိတ်ချ ဖွားစိန်..ငါးရံ့အူစားချင်တယ်.. ဘုရားဖူးက ပြန်လာမှ တစ်ရက်လာစားမယ်နော်”လို့ ကျွန်တော်က ပြန်ဖြေခဲ့တယ်။


တကယ်တော့ ငါးရံ့အူ ဆိုတာက ရန်ကုန်ရောက်မှ ကျွန်တော်စားဖူးခဲ့တာ။ အညာမှာက အရသာခပ်သက်သက် ငါးချေးကိုပဲ စားဖူးခဲ့တာ။ ငါးရံ့အူက မခါးဘူး။ အူအသေးလေးတွေရယ် အူအကြီးရယ် အသည်းရယ် အားလုံးကို ၁ လက်မ ၂လက်မ လောက်အရွယ်ရှိတယ်။ အဆီတွေထပ်ထားတဲ့ ငါးရံ့အူတစ်ဖက်ကို စားလိုက်ရင် ပါးစပ်ထဲမှာပျော်ဝင်သွား တဲ့ အပြင် မတူညီတဲ့ အူအသေးနဲ့ အူအကြီးတို့ရဲ့ နုညံ့မှု အသည်းတစ်စုံရဲ့ အရသာရှိမှုတွေက လျှာပေါ်မှာစွဲထင်သွားတတ်တယ်။ ခံတွင်းတစ်ခုလုံးပြည့်သွားတယ်။ ငါးညှီနံ့ နည်းနည်းရှိပေမယ့် ပုံမှန် ငါးခေါင်းဟင်းစားရသလောက်ပဲရှိတာမို့ ငါးချေးထက် အနံ့ အရသာရော ကွာပါတယ်။ သာပါတယ်လို့တော့ မပြောလိုပါဘူး ။ ငါးချေးကြိုက်တဲ့သူများက ငါးချေးမှ ငါးချေးကိုး။

ကျွန်တော်ဘုရားဖူးက ပြန်လာပြီး စင်္ကာပူကို မပြန်လာခင် ကြာသာပတေးနေ့မှာ အဖွားစိန်ရဲ့အိမ်မှာ နေ့လယ်စာစားခဲ့တယ်။ ငါးရံ့အူ၊ ၀က်သားဟင်းလေးချက်၊ ကျောက်ပွင့်သုပ်၊ မယ်ဇယ်ဟင်းခါး၊ ငါးပိရည်နဲ့ တို့စရာ။ ငါးရံ့အူကို ဆီပြန်ချက်ထားတော့ စားလို့ကောင်းတယ်။ ၀က်သားဟင်းလေးချက်ကတော့ သာမာန်ဝက်သားချက်ကို မန်းကျည်းနှစ်လေး နည်းနည်း ရောပြီး ချက်ထားတော့ အအီလျော့တယ်။



ကျွန်တော်စားဖူးတဲ့ ကျောက်ပွင့်သုပ် နှစ်မျိုးရှိတယ်။ အဖြူနဲ့အမည်းပါ။ အဖြူကတော့ စင်္ကာပူမှာလည်းရပါတယ်။ အမည်းကတော့ မော်လမြိုင်ဘက်မှာပဲ ရလေ့ရှိပါတယ်။ ရေညှိနံ့လေး နဲနဲ ယိမ်းပေမယ့် ပုဇွန်ခြောက်ထောင်းနဲ့ ကြက်သွန်နီရောသုပ်ထားတော့ စားရတဲ့အရသာက ထူးပါတယ်။ မယ်ဇယ်ဟင်းခါးကလည်း မော်လမြိုင်ဟင်းလို့ဆိုပါတယ်။ ငါးရံ့အူလေး စားလိုက်၊ ငါးပိရည်လေးစမ်းလိုက်၊ ၀က်သားတုံးလေး ၀ါးလိုက်၊ ကျောက်ပွင့်သုပ်လေးစားပြီး ဟင်းခါးလေးသောက် ခံတွင်းရှင်းလိုက် နှင့် ထမင်း နှစ်ပန်းကန် ကုန်သွားပါတယ် ။

ထမင်းစားပြီးတော့ အဖွားစိန်နှင့် စကားပြောပါတယ်။ရောက်တတ်ရာရာပါ။ ဟိုမြေးတွေက ဖုံးဆက်လား။ ဒီမြေးတွေက ကန်တော့လားဆိုတာတွေပါ။ သူငယ်ငယ်က မော်လမြိုင်မှာ သောင်းကျန်းသူတို့ ရှိနေတဲ့ အကြောင်းလဲပြောပါတယ်။ သူ့သားသမီးတွေအကြောင်းလဲ ပြောတယ်။ မျက်စိမကောင်းတော့တဲ့ အဖွားတူမ အန်တီစန်းကလည်း ဘေးမှာ ရှိတော့ အန်တီစန်းရောပါတာပေါ့။ ကျွန်တော်ပြန်တော့မယ်ဆိုတော့ အဖွားကို ကန်တော့ အန်တီစန်းနဲ့ သူ့အမေ အဖွားညီမ ဖွားပူတီ ကိုလည်း ကန်တော့ပြီး ပြန်လာခဲ့တယ်။


အရသာဆိုတာက ပါးစပ်ဖျားပေါ်မှာပဲပြီးသွားတာပါ။ ဒါပေမယ့် မေတ္တာပါတဲ့ ထမင်းဝိုင်းမှာတော့ တသက်စာအမှတ်တရတွေ စွဲထင်သွားတတ်ပါတယ်။ ချစ်ခင်သူတွေ ခွဲခွာနေရတဲ့ မိသားစုတွေ ၊ ဝေးကွာနေတဲ့ မိသားစုတွေ နွေးထွေးစွာ ပြန်လည်ဆုံတွေ့မယ့်နေ့တွေကို မျှော်လင့်ဆုတောင်းရင်း...။ အဖွားစိန် ကျန်းမာပါစေ..။

နေဘုန်းလတ်အတွက်... စာ..။

သူငယ်ချင်းရေ

နေကောင်းရဲ့လား။ ငါလည်း စာရေးမယ်ရေးမယ်နဲ့ မရေးဖြစ်တာ တော်တော်ကြာရော။ စာဆိုပေမယ့် မင်းအတွက်ကတော့ အစာတစ်ခုလိုပဲ အာဟာရဖြစ်စေမယ်မှန်းတော့ သိပါတယ်။ ဒါပေမယ့် ဟိုဟာရှုပ်ဒီဟာရှုပ်နဲ့ပဲ တစ်လတစ်လ အန်တီတို့ မင်းဆီသွားမယ့်နေ့ကို ကျော်ကျော်သွားလို့ မပေးဖြစ်လိုက်ဘူး။ ဒီဇင်ဘာရန်ကုန်ပြန်လာတုန်းကတောင် ငါ့လက်ရေးနဲ့ရေးမလို့စိတ်တော့ကူးမိပြီး လက်တွေ့က ဖြစ်မလာခဲ့ဘူး။ ရန်ကုန်က ပြန်လာတော့လည်း ၈ရက်နေ့ကို ဘားအံသွားမယ်လို့ ပြောတော့ စလုံးကိုရောက်ပြီးတော့မှ ရေးမယ်လို့ စိတ်ကူးထားပြီး မရေးဖြစ်ပြန်ဘူး။

ဒီဇင်ဘာက လစာမဲ့ခွင့်တွေများသွားတာက တစ်ချက်၊ ရန်ကုန်ပြန် ဗုဒ္ဓဂါယာသွားတာက တစ်ချက် ငါ့အိတ်ကပ်ထဲမှာ လိုငွေပြနေတာနဲ့ အလုပ်တွေမနားရဘဲလုပ်နေတာ ဒီအပတ်မှ အချိန်ပို တစ်ရက်မှ မယူပဲ အေးအေးဆေးဆေး နားဖြစ်တော့တယ်။ နားတော့လည်း သုံးပတ်လောက် မလျှော်ပဲထားတဲ့ အ၀တ်တွေလျှော် စားဖို့ရာ ဟင်းချက် နဲ့ အချိန်ကုန်ရော။ ညနေရောက်တော့ အတန်းရှိလို့ အိမ်က ထွက်လာတယ်။ အဲဒီမှာ ဒီစာရေးဖို့ အကြောင်းပေါ်လာတာပဲ။ ဘာလို့လဲဆိုတော့ ငါတို့အိမ်က ထွက်ပြီး မြို့ထဲကို သွားချင်ရင် အဝေးပြေးလမ်းမတွေထဲက “ဘူးကစ် တီးမား” ဆိုတဲ့နေရာကနေ ထွက်ရတယ်လေ။ ဒီနေ့ အဲဒီ ထွက်ပေါက်က ကားတွေ အများကြီးပိတ်နေလို့ ရှေ့နားကို ဆက်မောင်းပြီး “ကာရင်ဟေး” ဆိုတဲ့ ထွက်ပေါက်က ထွက်လိုက်ရတယ်။ အောချက်လမ်းမကြီးပေါ်က မောင်းလာပြီး ငါသွားချင်တဲ့လမ်းထဲကို ၀င်လိုက်တော့ ကားတွေ ပိတ်နေတာ ဘာလို့လဲဆိုတာ သိလိုက်ရတယ်။ “ထိုင်ပူစန်” ပွဲတော် လှည့်လာတာကို တွေ့လိုက်ရလို့လေ။

“ထိုင်ပူစန်” ဆိုလို့ ။ တရုတ်ပွဲမထင်လိုက်နဲ့ဦး ။ နာမည်ကသာ တရုတ်နဲ့ခပ်ဆင်ဆင်တူတာ တကယ်က ကုလားတွေရဲ့ ပွဲလေ။ သံချောင်းတွေကိုယ်မှာထိုးပြီး “Sri Srinivasa Perumal ဘုရားကျောင်းကနေ Sri Thendayuthapani Temple” ဘုရားကျောင်းကို သွားကြတယ်။ ပရိတ်သတ်တွေကလည်း လမ်းလျှောက်တာပေါ့။ အဲဒါကြောင့်လမ်းတွေ ပိတ်သွားတာပေါ့။

အဲဒါကို လမ်းပေါ်ကနေ မြင်လိုက်တော့ စိတ်ရဲ့ အလျင်က မြန်လိုက်တာ။ မင်းရယ် ငါရယ် စည်သူရယ် မောင်ပွတ်ရယ် လေးယောက်သား Woodland အိမ်ကနေ Marina South က BBQ အကင်ဆိုင်ကို Taxi ငှားပြီး သွားစားကြတာကို သတိရလိုက်တယ်။ Playback တွေပြန်လုပ်တော့ Taxi သမား အဖိုးကြီးက ကားပေါ်တက်လိုက်တာနဲ့ Marina South က အကင် ဟော့ပေါ့ဆိုင်သွားမယ်ဆိုတော့ ငါတို့အိမ်နားက ဟော့ပေါ့ဆိုင်ရှိတဲ့နေရာဘက်ကို လက်ညိုးထိုးပြပြီး “ဒီမှာစားလဲရတာပဲ ဘာလို့ အဲဒီကိုသွားမှာလဲ”လို့ ပြောတယ်။ ငါတို့တွေကလည်း အဲဒီကိုပဲသွားချင်တယ်လို့ပြောတော့ အဖိုးကြီးလဲ ဘာမှမပြောတော့ပဲ ကားကို မောင်းပြီးလိုက်ပို့တယ်။ အဲဒီကတည်းက သူ အသံတိတ်သွားပြီး ငါတို့လေးယောက်သားပဲ စကားပြောနေကြတယ်။ ငါပြောတဲ့ “ဘူးကစ် တီးမား” ထွက်ပေါက်က ထွက်ပြီး Little India ဘက်ကို သွားတဲ့နေရာရောက်တော့ ကားတွေပိတ်နေတာ နာရီဝက် လေးဆယ့်ငါးမိနစ်လောက် စောင့်နေရတော့ ငါတို့တွေလဲ စိတ်မရှည်ဖြစ်ရော။ ကားထဲမှ အသံတွေတိတ်နေတုန်း ကားမောင်းသမားကြီးရဲ့ “ဟက်” ကနဲ ရယ်သံကို ကြားလိုက်ရတယ်။ အဲဒီရယ်သံကို ငါက ဘာသာပြန်တာ “ဒီလောက်တောင် ရှည်ရှည်ဝေးဝေးသွားချင်တဲ့ကောင်တွေ မှတ်ပီလား”။ အဲဒါကို မင်းတို့ကို ပြောပြတော့ အဲဒီအဖိုးကြီးကို မြန်မာလို့ ပွစိပွစိလုပ်လိုက်သေးတယ်။ အဟဲ..သူက နားမလည်လို့ပေါ့ကွာ။ ဆဲတော့ မဆဲဘူးထင်တာပဲ။ ငါတို့တွေ ဒီလောက်ယဉ်ကျေးတာကိုး.. အဲဒါပဲ မင်းကို သတိရတာနဲ့ အခုစာရေးလိုက်တာ။

ရေးပြီဆိုတော့ အများကြီးပဲ ရေးဖို့ရာရှိတယ်။ ရန်ကုန်ပြန်လာတာရော နောက်ပြီး အိန္ဒိယသွားတာရော သင်းသင်းစိုးတို့ စိုးစိုးတို့နဲ့ တွေ့တာရော ကျော်မင်းကိုနဲ့ နီလာထွန်းတို့ ကလေးလေး ရေခဲဆိုတဲ့အကောင် လည်လိုက်တာရော။ မျက်လုံးတွေကြည်လင်ပြီးတက်ကြွတဲ့ မင်းအမေ အန်တီအေး အကြောင်းရော။

အစီအစဉ်အတိုင်း စရေးရမယ်ဆိုရင်တော့ ရန်ကုန်အကြောင်းကို စရေးရမှာပဲ။ ဘာမှ မထူးဘူးလို့ ပြောရမလားပဲ။ ရက် ၂၁ရက် မှာ ၆ရက်ပဲ ရန်ကုန်မှာနေခဲ့တာဆိုတော့ သိပ်မသိဘူး။ ဒစ်ဂျစ်တယ် ဓာတ်ပုံကူးတဲ့ဆိုင်လေးတွေများလာတယ်။ အင်တာနက်ဆိုင်တွေကတော့ ၂၀၀၈ တုန်းက ရောက်ကတည်းက ရှိနေတာဆိုတော့ ပိုများလာတယ်လို့ မဆိုသာပါဘူး။ မြို့ထဲကလမ်းတွေ အနိမ့်အမြင့်မတူတာတော့တွေ့ခဲ့တယ်။ အသစ်ခင်းတဲ့ တစ်ခြမ်းက မြင့်ပြီး လမ်းအဟောင်းက နိမ့်နေတာလေ။ ရန်ကုန်ပြန်ရောက်ပြီး နောက်တစ်ရက်မှာ မြို့ထဲက ပန်းဆိုးတန်းမှာ လမ်းအလျှောက် သင်းသင်းစိုးကို တွေ့တယ်။ မတွေ့တာ ၁၀နှစ် ၁၁ နှစ်လောက်ရှိပြီ။ လမ်းမမှာ နာရီဝက်လောက် စကားပြောဖြစ်တယ်။ အိန္ဒိယက ပြန်လာတော့ သူရယ် စိုးစိုးရယ် နီလာထွန်းရယ် ကျော်မင်းကိုရယ် တွေ့ဖြစ်ကြတယ်။ ရန်ကင်းစင်တာက feel မှာ။ မင်းနဲ့က နီလာထွန်းမင်္ဂလာဆောင်မှာ တွေ့တယ်လို့ မင်းနဲ့တွေ့တုန်းက ပြောဖြစ်ခဲ့တယ်လေ။

စိုးစိုးက အယင်က စိုးစိုးမဟုတ်တော့ဘူးဟ.. မျက်နှာလေးကတော့ လှပါတယ်။ ထိုင်နေတုန်းကတော့ အော်ငါ့သူငယ်ချင်း အယင်ကဆို မျက်မှန်နဲ့ ပိန်ပိန်သွယ်သွယ်ပေါ့။ အခုတော့ မျက်ကပ်မှန်တပ်ထားတာလာမသိပါဘူး မျက်မှန်မပါဘူး။ မိတ်ကပ်ကလည်း ပြင်လိုက်ဆင်လိုက်ထားတာ မင်းသမီးလားမှတ်ရတယ်။ မျက်နှာလေး လှပါတယ်လို့စိတ်ထဲက ထင်နေတာ ထိုင်နေရာက အထ.. လှလို့ ၀လို့ဆိုတာနဲ့ လိုက်ဖက်သွားတယ်။ ဟ..ဟ.. ဒီကောင် ငါ့ကို ဆဲတော့မှာပဲ..။ သင်းသင်းစိုးလား.. ဒီတစ်ကောင်တော့ ဘာမှ မပြောင်းလဲဘူး။ ရုပ်ကိုပြောပါတယ်။ တခြားဟာတော့ ငါလည်းမသိဘူး။ သူ့အမ က အင်္ဂလန်ကို ရောက်သွားပြီး ညီမကတော့ စင်္ကာပူမှာလို့ပြောတယ်။ အဲ.. မင်းတို့ပြောတဲ့ “ရစ်တာလဲ” မပြောင်းဘူး.. ။

စိုးစိုးက စကော်လာရလို့ အမေရိကို ကားသွားမယ်တဲ့။ သူ့အမေ နှလုံးခွဲလို့ ငါတို့တွေလဲ သူ့အိမ်ကို လိုက်သွားကြတယ်။ သင်းသင်းစိုးက သူ့အမေကို ကြည့်ပေးတာထင်တယ်။ အဲဒီတော့မှ ငါကသိတယ်။ စိုးစိုးက ဆေးထိုးအပ်မကိုင်တော့တာကို ပြောပါတယ်။ အန်တီနဲ့လဲ စကားတွေအများကြီးပြောကြတယ်။ မင်းတို့တွေ ငယ်ငယ်က သူတို့အိမ်သွားတော့ စိုးစိုးကြီးဒေါ်နဲ့တွေ့ပြီး စစ်ဆေးခံရတဲ့အကြောင်းလဲပြောဖြစ်တယ်။ စိုးစိုးတူမလေးကလဲ လည်လိုက်တာ ငါတို့ အပြန်ငါ့ကို တွယ်နေတာနဲ့ အိမ်အောက်ထပ်ထိ ချီလာရတယ်။ နောက်ပြီးမှ သူ့အမေနဲ့ ထည့်လိုက်ရတာ။ အဲဒီကနေပြန်တော့ သင်းသင်းစိုးကားနဲ့ သူ့အိမ်ကို ပြန်လာတယ်။ နီလာထွန်းတို့အိမ်ကို လိုက်သွားတော့ သူတို့ကလေးလေးနဲ့တွေ့တယ်။ အားပါး.. စကားတတ်တာမှ.. မင်းတို့ ငါတို့ကို ရောင်းစားသွားမယ်။ သင်းသင်းစိုး အမေက အိမ်မှာ ကလေးလဲမရှိတော့ သူတို့ကလေးကိုပဲ အရမ်းချစ်တာတဲ့လေ။ စကားကတတ်တာ မုန်းဖို့ကောင်းအောင်တတ်တာမဟုတ်ဘူး.. ချစ်စရာကောင်းအောင်ကို ပြောတတ်နေတာ။ သူတို့က ဂျနရေးရှင်းနဲ့ကို လည်တာလို့ သင်းသင်းစိုးက ပြောတာပဲ။ နီလာထွန်းကို သူ့ကို ချီစေချင်တာကို “မေမေ.. ချီ”လို့ မပြောဘူးတဲ့။ “မေမေ.. လမ်းပေါ်မှာ ကားတွေက တ၀ူးဝူးနဲ့သွားနေတာ အန္တရာယ်များတယ်နော်..သားကို တိုက်မိသွားနိုင်တယ်နော်..သားကို မေမေချီပေးရင် သိပ်ကောင်မှာပဲ” တဲ့..။ ဒါက နီလာထွန်းအပြောမို့ အမေဆိုတော့ ဆိုပြီးငါက ထင်နေတာ တွေ့တော့မှ တကယ့်ကောင်..။

ကြည်ဖြူလင်းကတော့ သုံးမွှာပူးမွေးသတဲ့..။ သူနဲ့ကတော့ မတွေ့ခဲ့ဘူး။ ဇာခြည်စိုးကိုလည်း သတိရသား။ သူရအောင်ကတော့ သဘောင်္ပေါ်မှာ။ တလောက သူ့ညီမ ၀မ်းကွဲဒီမှာ မင်္ဂလာဆောင်တော့ သူ့ညီ သီဟနဲ့တောင်တွေ့သေးတယ်။ မင်းညီဝမ်းကွဲ ၀ဏ္ဏတော့ ဘယ်ရောက်နေလဲမသိပါဘူး။ အခုတော့ ကျောင်းပြီးလောက်ရောပေါ့။ နန်းထားနဲ့ကတော့ စလုံးချင်းဆိုပေမယ့် မတွေ့ဖြစ်ပါဘူးကွာ။ ဇာတ်လမ်းပေါ်မှာ ဖြတ်လျှောက်လုပ်ရသလို တခါတလေ ပင်နင်ဇွဲလားမှာ တွေ့မိတယ်။

အိန္ဒိယကတော့ ဘုရားဖူးသွားတာ။ ငါ့အဖေအမေရယ် စည်သူ့အဖေအမေရယ် ငါးယောက်ပေါ့။ ဗုဒ္ဓဘာသာက အိန္ဒိယမှာ တော်တော် အဖျက်ဆီးခံသွားရလို့ ပြန်တူးထားတဲ့ အုတ်ပုံတွေကပဲများပါတယ်။ ဒါပေမယ့် ယဉ်ကျေးမှုတွေ ဘာသာစကားတွေ လူမျိုးတွေ ကိုးကွယ်မှုတွေ သိပ်စုံတဲ့နေရာဆိုတော့ ဗဟုသုတတွေအရမ်းရတယ်။ နီပေါကို ရောက်တော့ နီပေါက လုမ္မနီက ဦးသန့်ကျေးဇူးကြောင့်ပြန်လည်တူးဖော်ခဲ့တာတဲ့။ သူက ကမ္ဘာရှေးဟောင်းနေရာဆိုပြီး ပရောဂျက်စပေးခဲ့လို အခုလိုဖြစ်နေတာတဲ့။ နယူးဒေလီမှ ဂန္ဒီရဲ့အိမ်ကို ၀င်တော့ ငါမျက်ရည်ကျတယ်။ ငါတို့က ကုလားတွေလို့ခေါ်တယ်ဆိုတော့ ကုလားလို့ပဲ ပြောတော့မယ်။ ဒီကောင်တွေက လမ်းဘေးမှာ သေးပေါက်ကြတယ်။ တခါတလေ မစင်တောင် စွန့်သေးတယ်။ ဦးတုတ်ပေါကြီး ရုက္ခစိုးလုပ်ပြီး အိန္ဒိယမှာ လွင့်ဖို့ကောင်းတယ်။ မြို့ငယ်လေးတွေမှဆို ယာဉ်စည်းကမ်း လမ်းစည်းကမ်း ဘာမှလာမပြောနဲ့။ ၀ုန်းခနဲဆို တိုက်ပြီ ။ ရဲလည်းမလာဘူး။ အချင်းချင်းနားလည် ညှိပြီး အဆင်ပြေသွားတာပဲ။ မြန်မာပြည်မှာလို ၀ိုင်းအုံပြီး ဆွမ်းကြီးလောင်းတာကို မတွေ့ခဲ့ရဘူး။ အဲဒီမှာ “ဗရမ်းဗတာပြီး တိုးတက်နေတဲ့ လွတ်လွတ်လပ်လပ်ကုလားကြီးနဲ့ စနစ်တကျဖြစ်ပြီး ဖိအားတွေနဲ့ တိုးတက်နေတဲ့ တရုတ်ကြီး” အကြောင်းစဉ်းစားမိတယ်.။ ကုလားတွေအဲဒီလို ညစ်ပတ်တဲ့အကြောင်းကို ဟာသလေးတစ်ပုဒ် ရှိတယ်တဲ့။

အမေရိကန်သမ္မတ ဂျော့ဘုစ်က အိန္ဒိယကို ရောက်တော့ လမ်းဘေးမှာ သေးပေါက်နေတဲ့ ကုလားတွေကို တွေ့တော့ နှာခေါင်းရှုံ့ပြီး မင်းတို့နိုင်ငံသားတွေ ညစ်ပတ်တယ်လို အိန္ဒိယ ၀န်ကြီးချူပ် မန်မိုဟန်ဆင်းကို ပြောသတဲ့။ အဲဒါကို ဆင်းက မှတ်ထားသတဲ့။ ဘာမှလဲ ပြန်ပြောလို့မရဘူးကိုး။ နောက်တစ်လကျတော့ ဆင်းက အမေရိကားကို အလည်အပတ်ရောက်တော့ ဘုစ်က နယူးယောက်မြို့ထဲကို လိုက်ပြသတဲ့လေ။ အဲဒီမှာ လူတစ်ယောက်လမ်းဘေးမှာ သေးပေါက်နေတာကို သူတို့တွေ တွေ့သတဲ့။ ဆင်းက ဘုစ်ကို
“မင်းက ငါတို့ နိုင်ငံကျတော့ ညစ်ပတ်တယ်ပြောတယ် မင်းတို့ နိုင်ငံမှာလဲ လမ်းဘေးမှာ သေးပေါက်တဲ့သူရှိတာပဲမဟုတ်လား”လို့ ခွပ်ရော။ ဘုစ် မျက်နာကြီး နီသွားတယ်( တကယ်က မဲတာ)။ သူ့လက်ထောက်တွေကို အဲဒီသေးပေါက်တဲ့သူကို သွားခေါ်ခိုင်းလိုက်တယ်တဲ့။ သေးပေါက်တဲ့သူက သမ္မတနဲ့ အိန္ဒိယ ၀န်ကြီးချူပ်ရှေ့ကို ရောက်လာတော့ ၀န်ကြီးချူပ်ကို နမာစတေးလို့ နှုတ်ဆက်လိုက်တော့ ဆင်းလဲ သူနိုင်ငံသားတွေ ဘယ်ရောက်ရောက် လမ်းဘေးသေးပေါက်တယ်ဆိုတာသိသွားသတဲ့။ အဟီး.. တနေ့က ငါ ဖုန်းခကို စက်မှာသွားပေးတော့ ကုလားတစ်ကောင် ဘေးမှာလာရပ်နေလို့ ဘာလုပ်မလို့လဲလို့ ငါမေးတော့ သူက စာရွက်အပိုင်းလေး ထုတ်ပြပြီး ငါ ဒဏ်ငွေဆောင်ရမှာ မဆောင်တတ်လို့ ကူညီပေးပါဆိုလို့ ကူညီပေးလိုက်တယ်။ လမ်းဘေးမှာ သေးပေါက်တာ ရဲကားနဲ့တွေ့သွားတာနဲ့ စလုံး ၂၀၀ တပ်ခံလိုက်ရတယ်။ သနားတော့သနားစရာပါကွာ။ သူတို့အလုပ်ခမှ တစ်လ ၄၀၀-၅၀၀ ပေါ့။ ဒါပေမယ့်လဲ ဒီလိုမှပဲ ဒီကောင်တွေ မှတ်မှာ။

အဲလို ညစ်ပတ်တာတွေချည်းပြောလို့ ကုလားပြည်ကို အထင်မသေးလိုက်နဲဦး ဆရာ။ ရေက နေရာတကာမှာ ပေါလိုက်တာ။ လမ်းဘေးတွေမှာ လက်နှိပ်တုံကင်လေးတွေက တခေါ်စာလောက်ဆို တစ်ခုရှိတယ်။ လျှပ်စစ်မီးက နေရာတကာမှာရှိတယ်။ အင်တာနက်သုံးတာ လွယ်တယ်။ ပရိုဂမ်မာဆိုတာတွေများတယ်။ လေယာဉ်အစိတ်အပိုင်းတွေ ထုတ်တယ်။ ကားဆို ပြည်တွင်းထုတ်ကို အသုံးများတယ်။ တာတာလေ သိတယ်မလား။ မကွေးမှာတောင် စက်ရုံဆောက်နေတယ်။ မိုက်ခရိုဆော့ဖ် တို့လို ကုမ္မဏီကြီးတွေရှိတယ်။ ပညာရေးမှာ ဖွင့်ထားတဲ့ စနစ်ကြောင့်မို့ အခြေခံကောင်းတယ်။ အိန္ဒိယရဲ့ တက္ကသိုလ်တွေက ပြီးတဲ့သူဆိုရင် တော်ရုံအထင်မသေးရဲဘူး။ နောက်ပြီး ပညာအခြေခံသူတွေအတွက် အလုပ်အကိုင် အဆင်ပြေအောင် အာမခံချက်ရှိတယ်။ ဟိုတခေါက် စင်္ကာပူမှာ ပထမဆုံးအကြိမ်လုပ်သွားတဲ စာပေဟောပြောပွဲမှာ ဂျူးကပြောတယ်ကွ။ စက်မှုတက္ကသိုလ် စတုတ္ထနှစ်ကျောင်းသားတစ်ယောက်က သူ့ကိုမေးတယ်တဲ့။ သူကျောင်းပြီးအောင်ဆက်တက်ရင်ကောင်းမလား။ ကျောင်းထွက်ပြီး စီးပွားရေးလုပ်ရင်ကောင်းမလားဆိုတာမျိုးပေါ့။ သူဖြေသွားတဲ့အဖြေကို မကြိုက်ပါဘူးကွာ။ သူက သင်ကြားဖို့ကသာ အဓိကပါတဲ့။ အခြားဟာတွေ မတွေးပါနဲ့ ပုံစံမျိုးပြောသွားတာ။ ရွှေတွေငွေတွေ လိုလေသေးမရှိရင်ကတော့ ထားပါတော့လေ။ မဟုတ်ရင် ကုန်ထားတဲ့ ငွေတွေ ရင်းထားတဲ့ငွေတွေလောက်တော့ ပြန်လိုချင်တာသဘာဝပဲလေ။ ပညာအရင်းခံတဲ့ လူမှုအဖွဲ့တစ်ခုက ငါတို့နိုင်ငံမှာ ရောက်ဖို့လိုသေးတယ်။ ဘ၀အတွက် အာမခံချက်မပေးနိုင်တဲ့ ပညာရေးကို အယုံအကြည်မဲ့လာသူတွေများလာရင် မကောင်းဘူး။

တရုတ်ပြည်မှာ တလောက စစ်တုရင် ချန်ပီယံမလေး အကြောင်းဖတ်လိုက်ရလား။ When China wakes, Shake the world . ဆိုတာမျိုး တရုတ်ပြည်က အခုတလော ကြောက်စရာကောင်းလောက်အောင် တိုးတက်လာတယ်။ တိုးတက်တယ်ဆိုတာ စီးပွားရေးကိုတင် ပြောတာမဟုတ်ဘူးနော်။ ပညာရေး၊ အားကစား၊ အနုပညာ။ အခု ငါတွေ့လိုက်ရတဲ့ကောင်မလေးက ကမ္ဘာ့အငယ်ဆုံး စစ်တုရင် ချန်ပီယံတဲ့လေ။ သူ့အဖေအမေက စစ်တုရင်မကစားတတ်ဘူးတဲ။ အသက်၆နှစ်လောက်မှာကတည်းက ကလေးက စစ်တုရင်ရုပ်လေးတွေကို စိတ်ဝင်စားနေတာ တွေ့တာနဲ့ ဆရာခေါ်ပြီး စနစ်တကျသင်ခဲ့တာတဲ့။ အဲဒါကို ပြောတော့ ဆရာဝန်တွေ ပေါတာနဲ့ တိုးတက်တာမဟုတ်ဘူးဆိုတဲ့ စကားကို သတိရမိပြန်တယ်။

နောက်ဆုံးအကြောင်းကတော့ မင်းအမေအကြောင်းပဲ။ စည်သူ့အမေက အေးအေးသန့် ၊ မင်းအမေက အေးအေးသန်း။ ဟုတ်။ ထားပါ။ နာမည်က ဆင်တူနေတယ်။ နောက်ပြီး မင်းအမေနဲ့က အယင်က မတွေ့ဖြစ်ဘူး။ ငါမင်းနဲ့စခင်တဲ့ အချိန်က အန်တီအေးက အိမ်မှာမရှိတဲ့အချိန်လေ။ အခု သူနဲ့တွေ့တော့ မင်းက အိမ်မှ မရှိတဲ့အချိန်။ အိန္ဒိယကို မသွားခင်က မင်းအိမ်ကိုတစ်ခေါက်။ ပြန်လာတော့ မင်းအိမ်ကို တစ်ခေါက် ရောက်တယ်။ မင်းအိမ်ကသူ အားလုံးလိုလိုနဲ့ တွေ့ဖြစ်တယ်။

မင်းအမေကိုတွေ့တော့ မျက်လုံးတွေက ကြည်လင်တောက်ပနေတယ်။ အပြုံးက မျက်နှာပေါ်မှာ အမြဲတမ်းရှိတယ်။ အားမာန်တွေ ခွန်အားတွေကို သူနဲ့ စကားပြောချိန်မှာရတယ်။ နွေးထွေးမှုစေတနာတွေအပြည့်ရှိတယ်။ ကြင်နာမှုတွေလွမ်းခြုံထားတဲ့ နုညံ့မှုတွေရှိတယ်။ ပြည့်ဝတဲ့သဘောထားရှိတယ်။ ယိုင်နဲ့ချင်နေတဲ့ ငါတို့စိတ်တွေကိုတောင် ခိုင်မတ်နိုင်တဲ့ အစွမ်းတွေ မင်းအမေမှာရှိတယ်။ အဲလိုမျက်နှာမျိုးကို ငါတွေ့ရခဲပါတယ်။ ဒါ တတိယမြောက်မိန်းမသားကို တွေ့တာပဲ။ ပထမတစ်ယောက်ကိုတော့ အပြင်မှာ အခြေအနေပေးသိတိုင် ခုထက်ထိမတွေ့ရသေးပါဘူ။ ဒုတိယတစ်ယောက်ကတော့ မင်းသိမှာပါ... မရွှေဇီးကွက်လေ။ ဒီလိုအမေမျိုးကနေ ဒီလိုသားတွေမွေးလာတာ မဆန်းပါဘူးလို့ထင်မိတယ်။

ငါ့ဒီတစ်ခေါက်စာက တော်တော်ရှည်နေပြီ ။ မင်းနဲ့ မတွေ့ရတာ သုံးနှစ်ပြည့် အမှတ်တရပေါ့ကွာ။ မင်းလက်ရာတွေဖတ်ရတယ်။ ကောင်းတယ်။ ဖတ်ချိန် ရတဲ့အတွက် တွေးချိန်ရတဲ့အတွက် ရေးချိန်ရတဲ့အတွက် အရာရာကို အကောင်းမြင်ပြီး ပတ်ဝန်းကျင်ကသူတွေကို ဂရုစိုက်ပါ။ မေတ္တာထားပါ။ ကူညီပါ။ အဓိက ကျန်းမာရေးကို အထူးဂရုစိုက်ပါ။ ကိုယ့်ခန္ဓာက ပြောင်းလဲနေတာကို ဂရုစိုက်ကြည့်ပါ။ တရားရှာကိုယ်မှာတွေ့ဆိုတဲ့ စကားရှိတယ်။ အဲဒီတော့ ပြောင်းလဲနေတဲ့တရားအရ ဘယ်အရာမှ မတည်မြဲဘူး။ အရာရာကို သည်းခံတဲ့စိတ်မွေးပြီး ငါတို့တွေ ကျော်ဖြတ်နိုင်ရမယ်လို့ ယုံကြည်ရင်း...

မင်းရဲ့

သူငယ်ချင်း
အငယ်လေး